Во првата епизода од EARTHONE Подкастот, истражуваме како науката, технологијата и локалните заедници се здружуваат за да го обноват здравјето на почвите низ Европа. Потпирајќи се на искуствата од пилот-локации во Грција, Италија и Северна Македонија, епизодата истакнува како иновациите засновани на податоци и тесната соработка на терен ги поставуваат темелите за поотпорна, климатски неутрална иднина, почнувајќи од почвата под нашите нозе.

Оваа премиерна епизода е осмислена како отворена дискусија, а не како формално интервју, овозможувајќи им на говорниците да разменуваат перспективи, да ги споредуваат искуствата и да размислуваат и за заедничките предизвици и за локалните специфики низ различни европски пејзажи.

Епизодата ја води Љупчо Божиновски од АгФутура Технологии (АГФТ), со експертски увиди од Марио Петковски, водечки агроном и раководител на Одделот за консалтинг и едукација во земјоделството, исто така во АгФутура Технологии (АГФТ). Заедно, тие ја насочуваат дискусијата од пошироката визија на проектот EARTHONE кон практичните импликации што произлегуваат од пилот-локациите.

Со задоволство ги поздравуваме и Проф. Василис Антониадис од Универзитетот во Тесалија и Проф. Паоло Карлети од Универзитерот во Падова, кои ги споделија своите научни перспективи за здравјето на почвите, одржливите практики за користење на земјиштето и климатската акција. Нивните придонеси илустрираат како долгорочните истражувања, теренските експерименти и соработката со земјоделците и локалните чинители можат да го претворат научното знаење во применливи решенија.

Оваа епизода претставува темел на серијалот од EARTHONE подкасти, преку претставување на клучните идеи на проектот, неговиот „living lab“ пристап преку европските пилот-локации и амбицијата да се поддржи донесување одлуки засновани на докази за климатски поотпорна иднина.

За да дознаете повеќе за проектот EARTHONE, задолжително следете го ЛИНКОТ од првата епизода на подкастот!