Финалниот настан „Трансформација на урбаните системи за храна“ во рамките на проектот Ситис2030 се одржа на 25 септември 2024 година во Велика Горица, Хрватска, организиран од Вегора и Инвентивна Рјешења.

Оваа меѓународна конференција претставува одлична платформа за размена на идеи за одржливи системи за храна, урбано-рурални врски и иновативни пристапи во трансформацијата на урбаните системи за храна.

Г-дин Благоја Муканов, извршен директор на АгФутура Технологии (македонски партнер на Ситис2030), имаше можност да ги сподели своите ставови за интеграцијата на дигиталните алатки во земјоделството, посебно фокусирајќи се на улогата на технологијата во зајакнувањето на малите земјоделски стопанства и нагласувајќи како овие стопанства можат да ги искористат иновациите за да останат конкурентни и да придонесат за поодржливи системи за храна низ регионот и пошироко.