На 26 февруари 2025 година, проектот КАРБОНИКА беше претставен на Економскиот факултет – Скопје, во рамките на дводневниот настан организиран од Катедрата Жан Моне, под наслов „Зелен пат кон ЕУ интеграција: Забрзан пристап до внатрешниот пазар на ЕУ за Република Северна Македонија.“

Во рамки на настанот, Викторија Јанкулоска, раководител на Одделот за бизнис и економија во Аг Футура Технологии, одржа предавање на тема „Креирање и управување со одржливи прехранбени системи во ЕУ.“ За време на сесијата, проектот CARBONICA беше претставен како клучна иницијатива што го поддржува јаглеродното земјоделство како алатка за климатска отпорност и одржливо земјоделство. Проектот е усогласен со политиките на ЕУ, како што се Зелениот договор и целите на Заедничката земјоделска политика (CAP), нудејќи решенија за подобрување на складирањето на јаглерод во земјоделството и создавање економски можности за земјоделците.

Голема благодарност до организаторите и учесниците за продуктивните дискусии и размената на знаења!