Од 12 до 14 ноември, Земјоделскиот факултет при Универзитетот „Гоце Делчев“ успешно го организираше настанот „Денови на млади истражувачи“, значаен настан посветен на вмрежување, размена на знаења и поддршка на истражувачките амбиции на студентите. Настанот овозможи компаниите да ги презентираат своите бизниси и можностите кои ги нудат за да ги поттикнат студентите за да размислуваат за идна соработка. Освен тоа настанот вклучи и панел дискусии преку кои се отворија значајни прашања за младите во земјоделството. Студентите добија можност да се вмрежат со нивниот потенцијален иден работодавец, да ги споделат предизвиците со кои се соочуваат, а поискусните во индустријата се потрудија да ги охрабрат и да ги мотивираат да се посветат на развој на кариери во било која гранка од земјоделството и прехранбената индустрија.

Учество на Аг Футура Технологии

АгФутура Технологии го поддржа настанот со учество на панел дискусија: Младите во земјоделството. За време на дискусијата студентите добија можност да слушнат неколку успешни приказни од млади истражувачи и претприемачи во земјоделството кои ги споделија своите искуства, предизвиците со кои се соочиле и визиите кои ги следат. Покрај успешно спроведената дискусија, агрономите од АгФутура Технологии неформално споделија искуства за сите кои што беа заинтересирани за време на сигеријата.

Главни теми и резултати

• Организирани беа сесии за студенти од сите студиски циклуси, каде што беа претставени над 28 истражувачки трудови.
• Промоција на иновативни техники за намалување на стакленичките гасови во земјоделското производство.
• Присуството на претставници од академската заедница, компании и студенти отвори нови перспективи за идни партнерства и истражувачки идеи.

Темите како што се климатските промени и нивното влијание врз земјоделското производство добиваат сѐ поголемо внимание. Овој настан го потврди значењето на младите истражувачи и нивната улога во наоѓањето решенија за глобалните предизвици.

Учеството на Аг Футура Технологии потврдува дека успешното интегрирање на наука и индустрија може да води до значајни решенија за глобалните предизвици. Повеќе за настанот можете да дознаете овде.

Галерија: