Билтенот 14 на ПолиРурал е тука!

– ПолиРурал резултати и одржливост

Како што ПолиРурал се ближи кон својот крај, мора да се справи со едно од најтешките прашања во проектите на ЕУ: како да се обезбеди долгорочна одржливост? Постојат различни начини да се дефинира одржливоста. Ние ја подразбираме како пост-проектно постоење на идеи, резултати и знаење произлезени од ПолиРурал проектот, кои непосредните корисници и пошироката јавност ги користат за да ги постигнат своите цели. Некои цели може да бидат комерцијални, некои поврзани со креирање на политики. Некои може да бидат технички, некои научни или општествени. Примената на овие идеи, резултати и знаења не е толку важна. Она што е важно е резултатите континуирано да се искористуваат од засегнатите страни за нивна сопствена корист, за да им помогнат на другите или и за обете намени.

Главните резултати на ПолиРурал се:

• Мрежа од 500 засегнати страни кои обезбедија силна партиципативна основа за иновативната рамка за предвидување пилотирана во 12 региони;
• Пакет за предвидување во кој се наведени, за секој регион 1) визија, 2) збир на мерки што треба да се спроведат за да се направат руралните области посилни, издржливи, подобро поврзани и просперитетни, и 3) упатство за спроведување на овие мерки;
• Комплет технички алатки дизајнирани за поддршка на регионалните пилоти со различни задачи за предвидување, на прример истражување на влијанието на предложените мерки врз регионалните перформанси (Policy Options Explorer) и руралната привлечност (Rural Attractiveness Explorer), креирање резимеа на списоците за читање и извлекување на проникливи информации од нив, на пример контекст, емоции (Semantic Explorer);
• Збирка извештаи, документи за насоки и методолошки белешки кои ги доловуваат резултатите од нашата работа, како и препораки за други кои сакаат да спроведат регионално предвидување во нов географски/тематски контекст.

Во согласност со принципот на отворена наука, ги ставивме сите наши пишани резултати достапни на веб-страницата на проектот. Тие ги вклучуваат и официјалните извештаи и внатрешните резултати како што се длабински детални водичи за „Ковид-19“, реформи на Заедничката земјоделска политика на ЕУ (ЗЗП) и Зелениот договор, кои корисниците можат слободно да ги прилагодат за да ги истражат овие и други предизвици со кои се соочува нивниот регион, на пр. енергетската криза, трошоците за живот, геополитичка криза. Нашиот пристап кон регионално предвидување и улогата на различните алатки во процесот е елабориран во серија вебинари што се достапни на нашиот канал на YouTube, како и во на страната PoliRural Digital Innovation кој вклучува линкови до POE, RAE и Semex.

По неколку повторувања, пакетот за предвидување (резимиран во Д6.2 Регионални акциски планови) сега минува низ процес на усвојување, преку состаноци на високо ниво со политичките актери, на пр. Министерството за земјоделство и рурален развој во Словачка, Министерството за земјоделство, шумарство и водостопанство во Северна Македонија. За да се осигура дека предложените мерки ќе бидат имплементирани, пилотите на ПолиРурал формираа комитети за следење. Тие се составени од членови на регионалниот панел на засегнати страни, кои ќе го надгледува спроведувањето на планот, со што ќе се обезбеди продолжување на резултатите од проектот ПолиРурал.

– Резултатите од ex-durante извештајот покажуваат корист и за процесот на планирање и за пилот тимовите

Главната задача на ex-durante евалуацијата беше документирање на постигнатиот напредок, преглед на вклученоста на примарните засегнати страни и идентификување на првите индикации за ефектите од интервенцијата.

Ex-durante евалуацијата на секој пилот му обезбеди поблизок, покритичен и длабински поглед на предложените Акциски планови. Тоа им донесе значителна корист, придонесувајќи за квалитетот на нивните предложени Акциони планови и на проектот ПолиРурал воопшто.

Исклучителни заклучоци:

• Вклучувањето на клучните носители на одлуки во механизмите за следење на Акцискиот план се смета за суштински предуслов за обезбедување на усвојување и успешно спроведување на Акциските планови од страна на неколку пилот региони;
• Војната во Украина и нејзините последици врз енергетиката, економијата, животната средина и социјалните процеси е нов и многу влијателен надворешен фактор со кој се соочија пилот-регионите во периодот на известување. Оваа непогода послужи како вредна лекција која покажува колку брзо може да се променат ситуациите и дека секој план ќе може да ги приспособи и прилагоди своите мерки;
• Резултатите од ex-durante евалуациите ги потврдуваат позитивните ефекти од процесот на евалуација за пилот-тимовите. Најзначајниот ефект е поврзан со анализата на ангажманот на засегнатите страни, сопственоста и зголемувањето на капацитетот. Пилотите продолжија со активна комуникација со регионалните засегнати страни, вклучувајќи ги во дискусии и експерименти користејќи алатки развиени од страна на ПолиРурал проектот. Ова резултираше со дополнително подобрени Акциски планови, нови сознанија, подобрен статус на пилот-организациите и зголемување на капацитетите меѓу пилот тимовите.

Целосната текстуална верзија на извештајот за Ex-durante евалуацијата можете да ја најдете овде.

Проверете го ЛИНКОТ за целосната верзија на ПолиРурал БИЛТЕНОТ  14.