ICAERUS го започнува својот втор PULL Отворен повик
Date: 10.07.24
Written By: Darko Jancheski
![image-block](https://agfutura.com/wp-content/uploads/2024/07/ICAERUS-PULL-2.png)
Проектот ICARUS го започнува вториот круг на PULL отворени повици за земјоделство, шумарство и рурални предизвици на 8ми јули 2024 година, со достапни средства за 6 иновативни идеи!
ICAERUS е проект кој е започнат во јули 2022 година, финансиран од Хоризонт Европа чија цел е да го прикаже и поддржи ефективно, ефикасно и безбедно користење на беспилотните летала и да ги идентификува ризиците и додадените вредности поврзани со нивната употреба.
Проектот издаде два типа на Отворени Повици, секој тип со два датуми на објавување, обезбедувајќи финансиска поддршка на трети страни како механизам за собирање на идеи и податоци од екосистемот и забрзување на формирањето на Европска мрежа за оптимизирање на прифаќањето на технологијата за беспилотни летала во руралните области.
Втор PULL ОТВОРЕН ПОВИК за земјоделство, шумарство и рурални предизвици
Што е потребно да се направи?
PULL Отворените повици за земјоделство, шумарство и рурални предизвици ќе наградат шест успешни апликанти со до 50.000 € за спроведување проекти за користење на беспилотни летала и услугите изградени околу нив за индивидуални комерцијални потреби и/или прашања поврзани со заедницата. Следниве типови на апликации/решенија (но не ограничувајќи се на) се очекува да бидат финансирани:
- Применува иновативни решенија кои ја користат технологијата на беспилотни летала за да се одговори на специфичните предизвици со кои се соочуваат земјоделците, шумарите и руралните заедници.
- Одржливо земјоделство, како што е користењето беспилотни летала за поддршка на методите за регенеративно земјоделство, намалување на употребата на пестициди и ѓубрива и подобрување на здравјето на почвата.
- Логистика и управување со синџирот на снабдување, како што се транспорт на стоки и испораки до оддалечени области, управување со залихи и дистрибуција и следење на операциите на синџирот на снабдување со помош на беспилотни летала.
- Следење и одржување на инфраструктурата, како што е користење беспилотните летала за проверка и одржување на патишта, мостови и друга критична инфраструктура во руралните области.
- Управување со енергијата, како што е користење на беспилотни летала за следење и оптимизирање на системите за обновлива енергија како што се ветерници и соларни панели (агриволтаици).
- Управување со вода, како што е користење на беспилотните летала за следење и управување со водните ресурси, вклучувајќи брани, резервоари и системи за наводнување.
- Јавната безбедност вклучува беспилотни летала за спречување криминал и за спроведување на законот, помош и одговор при катастрофи и итни медицински услуги.
Кој може да се аплицира?
ICAERUS бара производители на храна, субјекти за следење на животната средина и рурални заедници, или мали и средни претпријатија или рурални заедници/задруги, со валиден ДДВ или релевантен регистар број во подобните земји на Хоризонт Европа. Ова ги вклучува земјите-членки на Европската унија, нивните најоддалечени региони, и прекуокеанските земји и територии поврзани со членка на ЕУ, како и државјани на земјите поврзани со Хоризонт Европа. Повеќе информации се дадени во Водичот за апликантот, достапен на веб-страницата на ICAERUS.
Примери на апликации кои се квалификувани за финансирање:
- Следење и анализа на културите со помош на беспилотни летала: Примена на софтверски и хардверски решенија за употреба на беспилотни летала за собирање и анализа на податоци за културите, како што се стапки на раст, проценки на приносот и заштита од штетници.
- Прецизно земјоделство со беспилотни летала: примена на системи базирани на беспилотни летала за прецизно земјоделство, на пр. мапирање на влага во почвата, примена на ѓубрива и пестициди и управување со системи за наводнување.
- Набљудување на шумите и дивиот свет со беспилотни летала: Примена на системи за беспилотни летала за следење на шумите и дивиот свет, вклучувајќи мапирање на живеалиштата, следење животни и откривање шумски пожари.
- Управување со катастрофи и намалување на ризикот со помош на беспилотни летала: примена на системи базирани на дронови за управување со катастрофи, на пр, за мисии за пребарување и спасување, испорака на медицински материјали и обезбедување на свесност за ситуацијата во сценарија за катастрофи.
- Следење на животната средина со беспилотни летала: Примена на системи базирани на беспилотни летала за следење на животната средина, на пр. мапирање на квалитетот на водата, мерење на загаденост на воздухот и следење на промени во користење на земјиштето.
- Рурално поврзување преку беспилотни летала: Примена на решенија засновани на беспилотни летала за поврзување на руралните заедници, на пр. обезбедување пристап до интернет или комуникација за време на природни катастрофи.
Апликантите се охрабруваат да поднесат предлози врз основа на нивните сопствени идеи поврзани со темата ICAERUS PULL Отворени Повици; за да бидат квалификувани, пријавите треба да се фокусираат на предизвиците во руралните области.
Временска рамка
Апликациите се отвораат на 8ми јули 2024 година и завршуваат на 16ти октомври 2024 година. Имплементацијата на под-проектот ќе биде поделена во три фази: дизајн, развој и пазар, во траење од 12 месеци, почнувајќи од февруари 2025 година.
Како да аплицирате?
Регистрирајте се на Open Call Hub за да извршите апликација! Можете да ги најдете сите детали за вториот PULL отворен повик на веб-страницата на ICAERUS на icaerus.eu/open-calls/.
Евалуацијата ќе биде спроведена од независни оценувачи кои ќе го проценат квалитетот на секоја апликација, вклучувајќи го концептот и изводливоста, подготвеноста на технологијата и развојот на иновациите, влијанието и експлоатацијата, организациониот капацитет и распределбата на ресурсите. Целосните критериуми за евалуација ќе бидат достапни во документите на Open Call Kit во Open Call Hub.
Англискиот е официјален јазик за отворените повици на ICAERUS. Апликациите поднесени на кој било друг јазик нема да се оценуваат. Англискиот е исто така единствен официјален јазик во текот на целото извршување на проектот ICARUS. Ова значи дека сите барани придонеси мора да бидат доставени на англиски јазик за да се квалификуваат.
Контакт информации
За сите информации поврзани со ICAERUS Отворените Повици, ве молиме поставете го вашето прашање во секцијата за често поставувани прашања на страната за ICAERUS Open Call Hub на opencallhub.eu или контактирајте не на icaerus@opencallhub.eu.
Клучни факти и бројки
- Инструмент: Хоризонт Европа – Финансиска поддршка на трети страни
- Буџет за Втор PULL Отворен повик: 300.000 €
- Финансирање за секоја трета страна: до 50.000 €
- Времетраење на секој под-проект: 12 месеци
Координатор на проектот | Prof. Spyros Fountas
Agricultural University of Athens 75 Iera Odos Str. 11855, Athens, Greece sfountas@aua.gr |
Проектна комуникација | Grigoris Chatzikostas
Foodscale Hub Greece L.SOFOU 20, 57001 Thermi, Thessaloniki, Greece g@foodscalehub.com |
Изјава за одрекување од одговорност Финансирано од Европската Унија. Ставовите и мислењата изразени се исклучиво на авторот(ите) и не значи дека истите ги одразуваат оние на Европската Унија или на Извршната агенција за истражување. Ниту Европската Унија ниту органот што го доделува грантот не може да бидат одговорни за нив. |